نجل محمد ثروت يعلن تماثله للشفاء بعد رحلة علاج استمرت 160 يوم
أعلن أحمد ثروت نجل الفنان محمد ثروت عن شفاءه واستجابته للعلاج بعد مرور 160 يوما منذ إصابته بمرض نادر في الجهاز العصبي (متلازمة الميلر فيشر)، التي اضطر بسببها للسفر الى ألمانيا لاستكمال رحلة علاجه هناك.
ونشر نجل محمد ثروت، فيديو، عبر حسابه على إنستجرام، وعلق: “الحمد لله كرم من ربنا وبفضل دعواتكم النها ردة بعد ١٦٠ يوم صراع مع متلازمة ميلر فيشر، أول يوم انجح اني اقف تأني علي رجلي بعد عشرات الأسابيع ومئات المحاولات”.
وتابع: تعلمت كثير من اختبار ربنا ليا، تعلمت الرضا والحمد علي كل حال وان ستر ربنا علينا فوق كل شيء ومدي تحملك ويجي معه كرمه ليك فالأخر وانه مش يخذلك طول مانت مسلم امرك وان عادي ممكن ابتدئ تانئ كل حاجة من الأول وان لسه في امل طول ما في حياة”.
واستكمل: “ربنا الهمني في اول الإصابة اني اوثق الاختبار وهذا من اول يوم حتي الان، ودة عشان اول ما أقوم ان شاء الله اتمني أكون سبب في التوعية لمثل هذه الامراض النادرة وازاي لو لقدر الله انصابت انت بيها او حد قريب منك تتعامل معه ازاي لأن جزء كبير من التعافي هو الحالة النفسية للمصاب”.
وتابع: “حابب أقول حاجة من قلبي بجد، الكرم الي ربنا كرمني بيه وهذا نور لي حاجات كثيرة، خلاني اقعد مع نفسي اقيمها وعرفني قيمة نعمة نعمة هو مديها لي زي اني ادخل الحمام لوحدي او اعرف اكل لوحدي او امشي خطوة او حتي اتحكم ف جسمي والي معظم الناس متعرفون اني كنت فقدت بصري لأسابيع ف عيني اليسرى وفقدت القدرة علي التحكم فالكلام لأكثر من شهر”.
وأردف: “وكل يوم كنت أسأل نفسي وانا في ظروف دي لو ربنا افتكرني هو انا قدمت ايه لكل الي حواليا؟!…و وصلت دلوقي ان بقي عندي هدف اكبر من اني انجح او اشتغل لنفسي بس، خلي عندي إحساس بحاجات قيمتها لما دخلت فيها وحسيت بيها زي مثلاً واحد جالة المرض الي صابني ومش عارف وفاكر ان عنده مرض تانئ وتوفي عشان عنصر الوقت لم يسعفه او مريض تانئ عرف التشخيص ومعوش فلوس العلاج نظراً ان العلاج بتاع الامراض المناعية زي حقن الاجسام المضادة غالية جداً”.
وأضاف: “إن شاء الله قريباً جداً أقول عن حاجة شغال عليها تخفف المعاناة عن اي حد محتاج مسانده او مساعده ويأرب ربني يقدرني ومشوف احد يدخل ف اختبار زي الي انا مريت بيه. أخيرا حابب اشكر كل واحد داعلي من قلبه وكل صحابي واهلي الي كان حبهم ليا من أسباب اني اقف تانئ علي رجلي بعد ستر و توفيق ربنا ودعواتكم ليا لإتمام الشفاء علي خير ويارب يكون ربنا جعل مني بعد اختباره هذا انسان افضل”.
